დავით ბერძენიშვილი აცხადებს, რომ რესპუბლიკურ პარტიასა და ძმებ ბერძენიშვილებს ყველა ხელისუფლება ებრძოდა, ირაკლი კობახიძისნაირი ერთჯერადი მეჩაიე დეპუტატები კი მათ ვერ დაამარცხებენ.

"ეს არის გახელისუფლებულ ქართულ ოცნებაში ბიძინა ივანიშვილის მიერ ვეზირებად დანიშნული ადამიანები, რომლებიც კადრულობენ უკადრებელს. როცა არ გაქვს საკუთარი პრინციპები, წონა, ტრადიცია, ბუნებრივია, რასაც დაგავალებენ, იმას იტყვი.

კომუნისტებიდან მოყოლებული ყველა ხელისუფლება ებრძოდა რესპუბლიკურ პარტიასაც და ძმებ ბერძენიშვილებსაც. რომელმა იხეირა? ჩვენ არ დავმარცხებულვართ რომელიმე ხელისუფლებასთან. ჩვენზე არ გაუმარჯვია არცერთ ხელისუფლებას, მით უმეტეს, კობახიძისნაირი მეჩაიე დეპუტატები, ერთჯერადი დეპუტატები ვერ დაგვამარცხებენ", — განაცხადა მან.

გუშინ, 6 ივნისს რესპუბლიკური პარტიის ლიდერებს დავით ბერძენიშვილსა და ხათუნა სამნიძეს თავს დაესხნენ. როგორც ბერძენიშვილმა ჟურნალისტებს უთხრა, ერთ-ერთმა თავდამსხმელმა თქვა — "შენ და შენი ძმა, ჩვენს წმინდას როგორ აგინებთ".

თავდასხმიდან მეორე დღეს ქართული ოცნების თავმჯდომარემ, ირაკლი კობახიძემ პარლამენტში პლენარულ სხდომაზე თქვა, თითქოს ხორციელდება "შეტევა ეროვნულ იდენტობაზე". მისი აზრით, ძმებ ბერძენიშვილებს აქვთ "ზიზღი ქართველი ხალხისა და ქვეყნის მიმართ".

ამავე თემაზე: