სევეროდონეცში, ქიმიური ქარხნის ქვეშ, თავშესაფრებში 800 ადამიანი, მათ შორის, ბავშვები აფარებენ თავს. ამის შესახებ ლუგანსკის ოლქის სამხედრო ადმინისტრაციის ხელმძღვანელმა, სერგეი გაიდაიმ განაცხადა.

"იქ არიან ადგილობრივები, რომლებსაც ქალაქის დატოვებისკენ მოუწოდეს, თუმცა მათ უარი განაცხადეს. იქ ბავშვებიც არიან, თუმცა არც ისე ბევრი", — თქვა მან.

სევეროდონეცკში ახლა მთავარი ბრძოლები მიმდინარეობს. როგორც ლუგანსკის ოლქის ადმინისტრაციის ხელმძღვანელმა, სერგეი გაიდაიმ თქვა, ოკუპანტები სევეროდონეცკის 80%-ს აკონტროლებენ. მისი თქმით, გრძელდება ქუჩებში ბრძოლები.

დღეს, 3 ივნისს ვოლოდიმირ ზელენსკიმ განაცხადა, რომ უკრაინას სევეროდონეცკში გამართულ ბრძოლებში გარკვეული წარმატებები აქვს.