რუსეთის სახელმწიფო მედა TASS აცხადებს, რომ რუსეთის წყნარი ოკეანის ფლოტი იწყებს საზღვაო წვრთნებს 40-ზე მეტი ხომალდისა და 20 თვითმფრინავის მონაწილეობით. CNN სწორედ პროპაგანდისტულ და სამთავრობო მედიაზე დაყრდნობით წერს, რომ წვრთნები ერთკვირიანი იქნება.

წვრთნებში ჩაერთვება რუსეთის სარდლობის ხომალდი, ფრეგატი და დიდი წყალქვეშა გემებისა და კორვეტების ჯგუფი, ასევე მცირე წყალქვეშა გემები, ნაღმსაწინააღმდეგო ხომალდები, სარაკეტო ნავები და დამხმარე ხომალდები.

წვრთნები რუსეთის უკრაინაში შეჭრიდან 100 დღის გასვლის შემდეგ ტარდება. როგორც CNN წერს, უკრაინელი სამხედროები აცხადებენ, რომ რუსეთის ქვედანაყოფებმა ცოცხალი ძალისა და აღჭურვიობის მნიშვნელოვანი დანაკარგები განიცადეს ომის დაწყების შემდეგ.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.