ამერიკის შეერთებულმა შტატებმა რუსეთის წინააღმდეგ ახალი სანქციები დააწესა, რომელიც მიზნად ისახავს რუსეთის მთავრობის წარმომადგენლების და ელიტის ფინანსურ და დიპლომატიურ შეზღუდვას.

სანქცირებულთა სიაში მოხვდა საგარეო საქმეთა სამინისტროს სპიკერი მარია ზახაროვა. ასევე, რუსი ოლიგარქი გოდ ნისანოვს, რომელსაც აშშ-ს სახელმწიფო მდივანი, ენტონი ბლინკენი უწოდებს "ევროპის ერთ-ერთ უმდიდრეს კაცს და რამდენიმე რუსი ჩინოვნიკის ახლო თანამოაზრეს".

თეთრი სახლის განცხადებაში ნათქვამია, რომ უახლესი სანქციები მიზნად ისახავს აქამდე დაწესებული სანქციების გამკაცრებას, რათა გაიზარდოს ზეწოლა პუტინზე და მის ხელშემწყობებზე.

სანქცირებულთა სიაში არიან პუტინის ახლო მეგობრები და რამდენიმე მინისტრიც. ამასთანავე, დასანქცირდა რამდენიმე იახტა, რომელსაც რუსული ელიტის წარმომადგენლები იყენებდნენ.