უკრაინის პრეზიდენტმა, ვოლოდიმირ ზელენსკიმ მან ევროპულ საბჭოს მიმართა. მან ევროკავშირის ლიდერებს მოუწოდა რუსული აგრესიის წინააღდმდეგ ერთიანობა შეინარჩუნონ და სანქციების მე-6 პაკეტი დაამტკიცონ.

"მოვიდა დრო იყოთ არა განცალკევებულები, არამედ ერთი მთლიანობა გახდეთ. უკრაინამ აჩვენა რატომ უნდა იყოთ ყველა ერთიანი. ჩვენ ყველანი ერთი მიზნისთვის ვმუშაობთ", — განაცხადა მან.

მისივე თქმით, ევროკავშირში ყველანაირი დავა უნდა შეწყდეს, რადგან ის რუსეთს აგრესიის გასაგრძელებელ სტიმულს აძლევს, ხოლო ერთიანობა წარმატების საფუძველია. ზელენსკიმ აღნიშნა, რომ მიუხედავად ევროპის ძალისხმევის მიმართ "მადლიერებისა", ევროკავშირმა სანქციების ახალი პაკეტი უნდა დაამტკიცოს. ასევე, უნდა დაწესდეს ნავთობზე ემბარგო, რათა რუსეთმა გაიგოს, რა არის მათი "ქმედებების საფასური".

"სამწუხაროდ, რატომღაც თქვენ რუსეთის ზეწოლაზე ხართ დამოკიდებული და პირიქით უნდა იყოს. რუსეთი თქვენზე უნდა იყოს დამოკიდებული. ჯერ კიდევ რატომ შოულობს რუსეთი 1 მილიონ დოლარს ნავთობის გაყიდვით ყოველდღიურად?" — აღნიშნა მან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.