უკრაინის პრეზიდენტის, ვოლოდიმირ ზელენსკის განცხადებით, ოკუპირებული ხერსონის ე.წ. საზღვრების ჩაკეტვა სისუსტის ნიშანია. მისი თქმით, ვინც საკუთარ პოზიციაში დარწმუნებულია, ასეთ გადაწყვეტილებებს არ მიიღებდა.

"სულ უფრო მეტი ინფორმაცია ვრცელდება იმის შესახებ, რომ ოკუპანტები ცდილობენ შეზღუდონ ჩვენი ხალხის გასვლა ხერსონის რეგიონის დროებით ოკუპირებული ტერიტორიებიდან. ისინი არ უზრუნველყოფენ ჰუმანიტარულ დერეფნებს. დაიხურა ხალხის ინდივიდუალური გამგზავრება. ვინც საკუთარ პოზიციაში დარწმუნებულია, ასეთ გადაწყვეტილებებს ნამდვილად არ მიიღებდა. ეს აშკარად სისუსტის ნიშანია", — თქვა ზელენსკიმ ყოველდღიურ მიმართვაში.

რუსების მიერ ოკუპირებულმა ხერსონის ოლქმა უკრაინის მიერ კონტროლირებად რეგიონებთან ე.წ. საზღვრები ჩაკეტა და ამტკიცებს, რომ ეს "უსაფრთხოების მიზნით" კეთდება.