პუტინმა ოკუპირებულ ცხინვალთან ე.წ. ორმაგი მოქალაქეობის შეთანხმების შესახებ კანონს ხელი მოაწერა. ამის შესახებ ინფორმაციას რუსული სახელისუფლებო გამოცემა RIA ავრცელებს.

რუსული მედია წერს, რომ ხელშეკრულება ძალაშია ხუთი წლის ვადით და ავტომატურად გაგრძელდება მომდევნო ხუთწლიანი პერიოდით, თუ რომელიმე მხარე მეორეს ხუთწლიანი პერიოდის გასვლამდე 6 თვით ადრე წერილობით არ აცნობებს მისი შეწყვეტის შესახებ.

ოკუპირებულმა ცხინვალმა და რუსეთმა ორმაგი მოქალაქეობის შესახებ შეთანხმებას ხელი 20 სექტემბერს მოაწერეს. ხელშეკრულების ტექსტი განმარტავს, რომ "ერთი მხარის მოქალაქეებს უფლება აქვთ მეორე მხარის მოქალაქეობა მოქალაქეობაზე უარის თქმის გარეშე მიიღონ".