ინფრასტრუქტურის მინისტრის, ირაკლი ქარსელაძის განცხადებით, 2022 წელს დაგეგმილი საგზაო მონაკვეთების გახსნის შედეგად, თბილისიდან ბათუმამდე გადაადგილების დრო კიდევ შემცირდება და 3 საათი 40 წუთი იქნება. ამის შესახებ მან პარლამენტში ისაუბრა.

"ინტენსიური სამუშაოები მიმდინარეობს გრიგოლეთი-ქობულეთის 14-კილომეტრიან მონაკვეთზე, სადაც უკვე წელს 11 კილომეტრის დასრულებაა გათვალისწინებული და გაისად, სეზონამდე ვგეგმავთ დარჩენილი 3-კილომეტრიანი მონაკვეთის დასრულებას, სადაც ასევე, გამოწვევები იყო ხელოვნური მაგისტრალური ნაგებობები და მოხერხდა იმდაგვარად პროექტის წარმოდგენა, რომ მისაღები ყოფილიყო ამ მნიშვნელოვანი ნაგებობების მესაკუთრეებთან", — განაცხადა მან.