უკრაინის პრეზიდენტის, ვოლოდიმირ ზელენსკის განცხადებით, რუსეთთან ომის დასრულებაზე მოლაპარაკებები აუცილებლად გაგრძელდება, თუმცა საკითხავია, რუსეთი რომელ პრეზიდენტთან. ამის შესახებ მან დავოსში, უკრაინული საუზმის დროს განაცხადა.

"სამხედრო ნაწილის შემდეგ იქნება სამშვიდობო პროცესი, იქნება მოლაპარაკებების მაგიდა და აუცილებლად იქნება მშვიდობა. საკითხავია, ვისთან მოილაპარაკებს უკრაინა, რუსეთის რომელ პრეზიდენტთან. ეს, ასევე, დამოკიდებულია, თუ როგორი იქნება რუსეთის ამჟამინდელი პრეზიდენტის სურვილზე", — განაცხადა მან.

ზელენსკის აღნიშნა, რომ პუტინი ვერ აცნობიერებს ამჟამინდელ ვითარებას.

"ის საკუთარ საინფორმაციო სამყაროში ცხოვრობს და ეს ესმის, რომ უკრაინა დათმობებზე არ წავა", — თქვა ზელენსკიმ.

უკრაინის პრეზიდენტმა დასძინა, რომ პუტინთან მოლაპარაკებები მაშინ იქნება შესაძლებელი, "როცა ის რეალობაში დასაბრუნებლად მზად იქნება" და გააცნობიერებს, რომ ბევრი ადამიანი იღუპება

"მაშინ შეიძლება ვცადოთ, თუ გვიან არ იქნება, რუსეთის ამჟამინდელ მთავრობასთან დიპლომატიურ გზაზე წასვლა", — აღნიშნავს ის.

ზელენსკიმ ხაზი გაუსვა იმასაც, რომ უკრაინელი ხალხის სურვილი მოლაპარაკებებზე "ყოველდღე იკარგება".

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში