მარიუპოლის მერის მრჩეველი, პეტრო ანდრიუშჩენკო აცხადებს, რომ ოკუპანტებმა მათ მიერ განადგურებულ მარიუპოლის დრამატულ თეატრში ექსკურსია მოაწყეს. მისი თქმით, თეატრის ნანგრევებისგან გაწმენდის შემდეგ, რუსებმა ქალაქში წითელი დროშებით აქცია გამართეს.

"ოკუპანტების ცინიზმს საზღვარი არ აქვს. დრამატული თეატრის ნანგრევებისგან გაწმენდისა და მოედნის დათვალიერების შემდეგ, ოკუპანტებმა ქალაქის გარშემო წითელი დროშებით მოხალისეების აქცია მოაწყვეს. ბოლო წერტილი იყო ექსკურსია დრამატულ თეატრში. ნამდვილი დღესასწაული ძვლებზე", — წერს ის.

ანდრიუშჩენკოს თქმით, ეს მიუთითებს ოკუპანტების დამოკიდებულებაზე მარიუპოლის მწუხარების მიმართ. ის აღნიშნავს, რომ დრამატულ თეატრში მტრედებიც ვეღარ იკვებებიან, რადგან ისინიც გაუჩინარდნენ.

16 მარტს მარიუპოლში რუსმა ოკუპანტებმა დრამატული თეატრი დაბომბეს, სადაც მშვიდობიანი მოქალაქეები აფარებდნენ თავს. BBC მარიუპოლის მერის მოადგილეზე დაყრდნობით წერდა, რომ შენობაში 1000-დან 1200-მდე მშვიდობიანი მოქალაქე აფარებდა თავს.