მიმდინარე წლის პირველ კვარტალში რუსეთის ეკონომიკა წლიურად 3,5%-ით გაიზარდა. Bloomberg წერს, რომ 2022 წლის პირველ კვარტალში მათ მიერ გამოკითხული ანალიტოკების ზრდის საშუალო პროგნოზი 3,7% იყო.

გამოცემის ცნობით, ეს რუსეთის ეკონომიკის სამინისტროს შეფასებასაც ემთხვევა. შესაბამისად, შესაძლებელია ითქვას, რომ ქვეყნის ეკონომიკის ზრდის ტემპი მოსალოდნელზე მეტად არის შენელებული.

ბუნებრივია, ცივილიზებული სამყაროს მხრიდან რუსეთისთვის დაწესებული სანქციების სრული გავლენა პირველი კვარტლის მაჩვენებელზე სრულად არ არის ასახული, რადგან პუტინმა უკრაინაში ომი თებერვლის ბოლოს დაიწყო.

Bloomberg-ის ინფორმაციით, 2021 წლის პირველი კვარტლის ეკონომიკურ ზრდაში ყველაზე დიდი წვლილი ნავთობისა და გაზის (ზრდა 8,5%) და წარმოების სექტორებმა (ზრდა 5,1%) შეიტანეს.

ანალიტიკოსების შეფასებით, რუსეთის მიმართ დაწესებული სანქციების შედეგად, მიმდინარე წელს ქვეყნის ეკონომიკა ორნიშნა მაჩვენებლით შემცირდება.