18-19 მაისს სულხან-საბა ორბელიანის უნივერსიტეტში (კ.ქუთათელაძის #3) გაიმართება საერთაშორისო სამეცნიერო კონფერენცია თემაზე: გამძლეობა და აღდგენა: გამოწვევები უკრაინისა და სხვადასხვა ქვეყნის უნივერსიტეტებისთვის. აღნიშნულ კონფერენციას დაესწრებიან: უკრაინის (Ukraine Catholic University), ამერიკის (University of Notre Dame), იტალიის, ხორვატიის, სლოვაკეთის, უნგრეთისა და პოლონეთის უნივერსიტეტების წარმომადგენლები.

კონფერენციას 15:30 საათზე გახსნიან: საბაუნის რექტორი — ვაჟა ვარდიძე, ვატიკანის ელჩი საქართველოში — ჟოზე აველინო ბეტანკური და ამერიკის უნივერსიტეტის (University of Notre Dame) პროფესორი კლემენს სედმაკი. კონფერენცია გაიმართება შერეულ ფორმატში, მათ შორის: პანელური დისკუსია, რომლის ფარგლებშიც, უკრაინის უნივერსიტეტის წარმომადგენელი ისაუბრებს საომარ ვითარებაში უკრაინის უმაღლესი საგანმანათლებლო დაწესებულებების ამჟამინდელ მდგომარეობასა და გამოწვევებზე.

19 მაისს, 08:30 საათიდან, კონფერენციის ფარგლებში იმსჯელებენ თუ რა როლი აქვთ უმაღლეს საგანმანათლებლო დაწესებულებებს მშვიდობის მშენებლობასა და ომის თავიდან აცილებაში (განსაკუთრებული ყურადღება დაეთმობა ომისადმი წინააღმდეგობის გაწევისა და ომის შემდგომი აღმშენებლობის საქმეში უნივერსიტეტების სტრატეგიის საკითხებს).

კონფერენციას დაესწრებიან დიპლომატიური კორპუსის, საქართველოს განათლებისა და მეცნიერების სამინისტროსა და განათლების სფეროს წარმომადგენლები.

კონფერენცია ჩატარდება სულხან-საბა ორბელიანის უნივერსიტეტის ორგანიზებით.