თეთრი სახლის სპიკერის, ჯენ ფსაკის განცხადებით, აშშ-ს წარმომადგენელთა პალატამ უკრაინისთვის 40 მილიარდი დოლარის გამოყოფას მხარი დაუჭირა. კანონპროექტს მხარი 368 წარმომადგენელმა დაუჭირა, წინააღმდეგი იყო 57.

"ამ კანონპროექტში შეტანილი დამატებითი რესურსები საშუალებას მოგვცემს უკრაინას გავუგზავნოთ მეტი იარაღი, როგორიცაა საარტილერიო, ჯავშანტექნიკა და საბრძოლო მასალა. ეს დაგვეხმარება შეავსოთ ჩვენი მარაგი და მხარი დავუჭიროთ აშშ-ს ჯარებს ნატოს ტერიტორიაზე", — თქვა სპიკერმა.

კანონპროექტი სენატს გადაეცემა, საბოლოოდ კი, პრეზიდენტი ჯო ბაიდენი ხელს მოაწერს. ფსაკის თქმით, მოუთმენლად ელიან სენატთან მუშაობის გაგრძელებას, რათა კანონპროექტი სწრაფად მოხვდეს პრეზიდენტთან.

უკრაინის პრეზიდენტმა, ვოლოდიმირ ზელენსკიმ აშშ-ს კანონპროექტის დამტკიცებისთვის მადლობა გადაუხადა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში