ბელარუსის პრეზიდენტი, ალექსანდრ ლუკაშენკო აცხადებს, რომ რუსული ისკანდერის ტიპის მსგავსს ახალ რაკეტებს ქმნიან. მისი თქმით, რაკეტების წარმოებაში დახმარებას რუსეთის პრეზიდენტი, ვლადიმერ პუტინი დაჰპირდა.

"როგორ მიდის იარაღის პერსპექტიული მოდელების განვითარება, განსაკუთრებით რაკეტების? ბოლოს და ბოლოს, ჩვენ ვქმნით ახალ რაკეტას. რაკეტა არის ისკანდერის ძალიან ეფექტური მოდელთან მიახლოვებული და გვაქვს სრული მხარდაჭერა", — განაცხადა მან.

ლუკაშენკოს თქმით, პუტინთან ბოლო შეხვედრაზე "ცალსახად შეთანხმდნენ", რომ რაკეტების რუსი ექსპერტები ბელარუსს მის წარმოებაში დაეხმარებიან.