უკრაინის სახალხო დამცველის ლუდმილა დენისოვას განცხადებით, ვარაუდობდნენ, რომ მარიუპოლში 20000-მდე ადამიანია დაღუპული, თუმცა მან აღნიშნა, რომ ციფრები გაცილებით მეტია. მისი თქმით, ყველა მონაცემს გადასცემენ საერთაშორისო სასამართლოს და გაეროს. ამის შესახებ დენისოვამ ფორმულასტან ისაუბრა.

"ყველა ის ადამიანი, რომელიც თავს თვლის მსხვერპლად, გვიკავშირდება და ამის შესახებ გვაწვდის ინფორმაციას. დღეის მონაცემებით, ოფიციალურად ასეთი 43 000 ადამიანია დაფიქსირებული. ჩვენ ყველა მონაცემს გადავცემთ საერთაშორისო სასამართლოს და გაეროს. რუსეთის ფედერაციის მხრიდან სამხედრო დანაშაულების ეპიცენტრი იყო კიევის ოლქში. მე ჩემი თვალით ვნახე, რაც ხდებოდა იქ და აღვწერეთ ყველაფერი დეტალურად. ჩვენ ასევე გვიკავშირდებიან ოკუპირებული ტერიტორიებიდან, მაგალითად ხერსონიდან და შემიძლია გითხრათ, რომ იქაც საკმაოდ სერიოზულადაა ვითარება.

რაც შეეხება მარიუპოლს, ჩვენ ვვარაუდობდით, რომ იქ 20 000-მდე ადამიანია დაღუპული, მაგრამ რეალური ციფრი გაცილებით მეტია. სატელიტის მეშვეობით ვაკვირდებით მარიუპოლს და ვხედავთ, როგორ ასუფთავებენ მარიუპოლს და გამოჰყავთ გარდაცვლილები", — ამბობს ის. [ფორმულას თარგმანი]

მარიუპოლი ომის დაწყების პირველივე დღეებიდან ალყაშია. რუსული დაბომბვების გამო განადგურებულია ქალაქის ინფრასტრუქტურა და დაღუპულია ათასობით მშვიდობიანი მოქალაქე.

დიდი ხნის განმავლობაში, საოკუპაციო ძალები აბრკოლებდნენ მწვანე დერეფნების მუშაობას და ჰუმანიტარული ტვირთის შეტანას. ამ დროისთვის უკრაინის მხარის ინფორმაციით, აზოვსტალიდან გაყვანილია ქალები, ბავშვები და მოხუცები. თუმცა იქ კვლავ რჩებიან მოქალაქეები ქალაქის მცველებტან ერთად.

სამხედროები დანებებასა და იარაყის დაყრას არ აპირებენ. საერთაშორისო საზოგადოებას მოუწოდებენ, გაიყვანონ მესამე ქვეყნის ტერიტორიაზე.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში