ევროპული საქართველოს ერთ-ერთი ლიდერის, გიორგი კანდელაკის განცხადებით, საქართველომ ნაციზმის დამარცხება არა 9 მაისს, არამედ 8 მაისს უნდა აღნიშნოს. მისი თქმით, 8 მაისი განასახიერებს და არის სიმბოლო იმის, რაც რეალურად მოხდა.

"რა თქმა უნდა, კარგი იქნებოდა, რომ ეს ადრე მომხდარიყო ეს ცვლილება, მათ შორის ჩვენი ხელისუფლების დროს, მაგრამ დღეს ეს ნაბიჯი ისე აქტუალურია, როგორც არასდროს, იმდენად მნიშვნელოვანი, როგორც არასდროს, რადგან 9 მაისი განასახიერებს მეორე მსოფლიო ომის მცდარ, ყალბ ინტერპრეტაციას, რომელიც საფუძველში უდევს პუტინის რეჟიმს დღეს რუსეთის ფედერაციაში", — განაცხადა მან.

9 მაისს მეორე მსოფლიო ომის ვეტერანები ფაშიზმზე გამარჯვებას აღნიშნავენ. ევროპული ქვეყნების აბსოლუტური უმრავლესობა, გარდა პოსტსაბჭოთა ქვეყნების ნაწილისა ფაშიზმზე გამარჯვების დღედ 8 მაისს მიიჩნევს, რადგან სწორედ ამ დღეს გამოაცხადა გერმანიამ კაპიტულაცია. 9 მაისი კი საბჭოთა კავშირის დაწესებული დღესასწაულია, რადგან სწორედ ამ დღეს წითელ მოედანზე სამხედრო აღლუმით აღნიშნეს გამარჯვება