ედინბურგში რუსეთის გენერალური კონსულის გვერდზე ანტისაომარი პოსტი გამოქვეყნდა. ამ დროისთვის ეს ანგარიში და პოსტი მიუწვდომელია, თუმცა რუსულ მედიებზე სქრინები გავრცელდა.

როგორც მედუზა წერს, ინსტაგრამზე რუსეთის კონსულის, ანდრეი იაკოვლევის სახელით უკრაინისა და მისი შეიარაღებული ძალების მხარდაჭერი პოსტი დაიდო. მოგვიანებით კი ანგარიში დაიხურა და ამტკიცებდნენ, რომ ის გატეხეს.

"მე, ედინბურგში რუსეთის გენერალური კონსული კატეგორიულად ვგმობ რუსეთის შეიარაღებული ძალების სამხედრო სპეცოპერაციის ქცევას სუვერენული, დამოუკიდებელი უკრაინის წინააღმდეგ. სრულად ვუჭერ მხარს ევროკავშირის მიერ უკრაინის შეიარაღებულ ძალების ნებისმიერ დახმარებას", — ეწერა განცხადებაში.

გამოცემა აღნიშნავს, რომ ეს 2019 წლიდან ანგარიშზე გამოქვეყნებული პირველი პოსტი იყო. აქამდე რუსეთის არცერთ თანამდებობის პირს ანტისაომარი განცხადება არ გამოუქვეყნებია.