უკრაინის შეიარაღებული ძალების განცხადებით, ხარკოვის ოლქის რამდენიმე დასახლებაზე კონტროლი დაიბრუნეს. მათივე თქმით, ოკუპანტები რეგიონის ინტენსიურ დაბომბვას აგრძელებენ, თუმცა, აღნიშნავენ, რომ რუსეთის როგორც ადამიანური, ასევე ტექნიკური რესურსის დანაკარგი იზრდება.

"თავდასხმის შედეგად უკრაინის თავდაცვის ძალების ქვედანაყოფებმა აღადგინეს კონტროლი ოლექსანდრივკას, ფედოროვკას, უკრაინკას, შესტაკოვოს და სოფელ ჩერკასკი ტიშკის დასახლებებზე", — ნათქვამია განცხადებაში.

გენერალური შტაბის მიერ დილით გამოქვეყნებული მონაცემებით, ომის დაწყებიდან დღემდე, დაახლოებით, 24 900 რუსი ჯარისკაცი დაიღუპა, დაიჭრა ან ტყვედ ჩავარდა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში