გერმანიის თავდაცვის მინისტრის, ქრისტინე ლამბრეტის განცხადებით, მიიღეს გადაწყვეტილება, რომ უკრაინას 7 თვითმავალი ჯავშანტექნიკა, ჰაუბიც 2000 გადასცენ. ინფორმაციას ამის შესახებ CNN ავრცელებს.

გერმანიის ჯარების ცნობით, საარტილერიო სისტემას, რომელიც ტანკს წააგავს, სროლის დიაპაზონი 40 კილომეტრამდე აქვს. ამასთან, გერმანია უკრაინას სამხედროების გადამზადებასაც სთავაზობს.

28 აპრილს გერმანიის კანონმდებლებმა უკრაინისთვის მძიმე იარაღის მიწოდებას მხარი დაუჭირეს. მხარდაჭერილი წინადადების თანახმად, დახმარება უნდა გაგრძელდეს და რამდენადაც შესაძლებელია, დაჩქარდეს. გერმანია, ასევე, განათავსებს მეტ ჯარისკაცს აღმოსავლეთ ევროპაში NATO-ს წარმომადგენლობის გასაძლიერებლად, ამასთან, მოუწოდებს რუს ჯარისკაცებს, დაყარონ იარაღი და ევროკავშირსა და გერმანიაში თავშესაფარი ეძიონ.