ბორის ჯონსონმა და ვოლოდიმირ ზელენსკიმ განიხილეს იმის შესაძლებლობა, რომ დიდმა ბრიტანეთმა უკრაინას შორ მანძილზე მოქმედი იარაღი გაუგზავნოს. ამის შესახებ ინფორმაციას BBC Downing Street-ზე დაყრდნობით ავრცელებს.

მათივე ცნობით, ბრიტანეთის პრემიერმინისტრმა და უკრაინის პრეზიდენტმა დღეს ტელეფონით ისაუბრეს იმაზე, თუ როგორ შეუძლია გაერთიანებულ სამეფოს უკრაინას მხარი დაუჭიროს.

"ლიდერებმა განიხილეს ბრძოლის ველზე განვითარებული მოვლენები და უკრაინის შეარაღებული ძალების საჭიროებები, მათ შორის, შორ მანძილზე მოქმედი იარაღით უზრუნველყოფა მშვიდობიანი მოსახლეობის დაბომბვის თავიდან ასაცილებლად", — ამბობს Downing Street-ის პრესსპიკერი.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში