გერმანიამ თხევადი ბუნებრივი აირის (LNG) პირველი მცურავი ტერმინალის სამშენებლო სამუშაოები დაიწყო. ტერმინალის მშენებლობის გადაწყვეტილება რუსული ნავთობისგან დამოუკიდებლობისთვის მიიღეს.

ქვეყანა ცდილობს დააჩქაროს ტერმინალის მშენებლობა, რათა თხევადი ბუნებრივი აირი სხვადასხვა ქვეყნიდან, მათ შორის აშშ-დან შემოიტანოს.

"ჩვენ გვაქვს კარგი შანსი, გავაკეთოთ ის, რაც რეალურად ჩვეულებრივ შეუძლებელია გერმანიაში — ავაშენოთ LNG ტერმინალი დაახლოებით 10 თვეში და დავუკავშიროთ იგი გერმანიის გაზმომარაგებას", — განაცხადა გერმანიის ვიცეკანცლერმა და ეკონომიკის მინისტრმა, რობერტ ჰაბეკმა.

ჰაბეკმა თქვა, რომ რუსეთის ენერგომომარაგებისგან დამოუკიდებლობა გერმანიისთვის უმნიშვნელოვანესია, მაშინაც კი, თუ ეს გულისხმობს ალტერნატიული გადაწყვეტილებების ძიებას, რომლებიც ადრე არარეალური იყო.