2022 წლის I კვარტალში საქართველოში სისხლის სამართლის კოდექსის 276-ე მუხლით გათვალისწინებული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, 1 121 საგზაო-სატრანსპორტო შემთხვევა მოხდა. აქედან 99 ადამიანი დაიღუპა, 1 583 კი დაშავდა.

შინაგან საქმეთა სამინისტროს ინფორმაციით, რეგიონების მიხედვით შემთხვევების რაოდენობა ასე გადანაწილდა:

  • თბილისის — 521;
  • აჭარა — 88;
  • სამეგრელო-ზემო სვანეთი — 63;
  • იმერეთი, რაჭა-ლეჩხუმი და ქვემო სვანეთი — 130;
  • შიდა ქართლი — 80;
  • ქვემო ქართლი — 74;
  • კახეთი — 88;
  • სამცხე-ჯავახეთი — 22;
  • მცხეთა — 33;
  • გურია — 19;
  • აფხაზეთი ა/რ — 3.

შსს-ს სტატისტიკის მიხედვით, 2022 წლის პირველ სამ თვეში 208 ავტოავარია მოხდა, რა დროსაც მანქანა ქვეითს დაეჯახა. ავტოსაგზაო შემთხვევების დროს დაიღუპა 24 ქვეითი, 299 კი დაშავდა.