უნგრეთის საგარეო საქმეთა მინისტრის, პიტერ სიჯარტოს განცახდებით, ევროკავშირის მიერ რუსული ნავთობის აკრძალვას მხარს არ დაუჭერენ. მისი თქმით, რუსული ნავთობის ემბარგო უნგრეთის ენერგომომარაგებას სრულად გაანადგურებს.

ამასთანავე, უნგრეთის სახელმწიფო მდივანი საერთაშორისო კომუნიკაციისა და ურთიერთობების საკითხებში, ზოლტან კოვაჩი BBC-სთან ინტერვიუში ამბობს, რომ უნგრეთი ევროკავშირის წინადადებას ვეტოს დაადებს.

"მათ ზუსტად იციან, რომ რასაც გვთავაზობენ, ეწინააღმდეგება უნგრეთის ინტერესებს, ეწინააღმდეგება შესაძლებლობას, რომელიც განხორციელებადია ადგილზე და თუ ჩვენ ამას გავაკეთებთ, უნგრეთის ეკონომიკას მთლიანად დავანგრევთ", — თქვა სახელმწიფო მდივანმა.

დღეს ევროკომისიის პრეზიდენტმა, ურსულა ფონ დერ ლაიენმა განაცხადა, რომ აპირებენ რუსული ნავთობის იმპორტის ეტაპობრივად გაუქმებას, რათა რუსეთზე ზეწოლა გაიზარდოს.