რუსეთის პრეზიდენტმა, ვლადიმერ პუტინმა საფრანგეთის პრეზიდენტს, ემანუელ მაკრონს მორიგ სატელეფონო საუბარში უთხრა, რომ დასავლეთმა უკრაინისთვის იარაღის მიწოდება უნდა შეწყვიტოს. ინფორმაციას ამის შესახებ BBC ავრცელებს.

მედიის ცნობით, პუტინმა ფრანგ კოლეგასთან აღნიშნა, დასავლეთს შეუძლია ვოლოდიმირ ზელენსკიზე ზეწოლის გაზრდითა და მათი გავლენის გამოყენებით უკრაინაში "სისასტიკეები" შეაჩეროს.

პარალელურად, მაკრონმა პუტინს კვლავ ცეცხლის შეწყვეტისკენ მოუწოდა და აღნიშნა, რომ აზოვსტალის ქარხნიდან ევაკუაციის შესაძლებლობა უნდა დაუშვას.

"მე რუსეთს მოვუწოდე, როგორც გაეროს უშიშროების საბჭოს წევრმა, შეასრულოს თავისი საერთაშორისო პასუხისმგებლობა და ეს დამანგრეველი თავდასხმა დაასრულოს", — თქვა მაკრონმა.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში