"ეს არის მორიგი სპექტაკლი, უნიჭოდ დადგმული სპექტაკლი", —ასე აფასებს თბილისის მერი ყოფილი პრეზიდენტის, მიხეილ სააკაშვილის ჯანმრთელობის მდგომარეობს. მისი თქმით, სააკაშვილი აუცილებლად მოიხდის იმ სასჯელს, რაც მისჯილი აქვს.

"ერთი მინდა დავამშვიდო ნაციონალური მოძრაობა, რომ მიხეილ სააკაშვილს აუცილებლად მოუწევს სასჯელის მოხდა, მინიმუმ ის რაც აქვს მისჯილი დანარჩენი დაველოდოთ სხვა საქმეებზე მიმდინარე გამოძიებას. იცით, რომ 6 წელი მას უკვე მისჯილი აქვს, სხვა კონკრეტულ საქმეებზე მიმდინარეობს გამოძიება და არ არის გამორიცხული, რომ დაემატოს სასჯელი. შესაბამისად, მას აუცილებლად მოუწევს პასუხისგება იმ ჩადენილ დანაშაულებზე, რომელზეც აქვს მისჯილი", — ამბობს კალაძე.

20 აპრილს ექსპრეზიდენტი, მიხეილ სააკაშვილი სასამართლო პროცესზე საუბრობდა, როდესაც განაცხადა, რომ შეუძლოდ გახდა და ექიმის დახმარება ითხოვა. მან მანდატურებს დახმარება სთხოვა, რის შემდეგაც დარბაზიდან გაიყვანეს. სააკაშვილი პროცესზე რამდენიმე წუთში დააბრუნეს.

27 აპრილს სახალხო დამცველის ინიციატივით შექმნილი ექიმთა კონსილიუმის წევრმა, ნევროლოგმა, თენგიზ წულაძემ განაცხადა, რომ სააკაშვილს ციხეში ძირითადი მედიკამენტური მკურნალობა უტარდება, თუმცა ეს საკმარისი არაა. ნევროლოგის თქმით, ექსპრეზიდენტი ცილოვანი საკვების მიღებაზე უარს ამბობს, რასაც ცილოვანი შიმშილი მოსდევს. მისივე თქმით, ის ცილები, რომელიც სააკაშვილს არ მიეწოდება, ორგანოებისა და კუნთების დაშლას იწყებს.

28 აპრილს ულტიმატუმის ამოწურვის შემდეგ ექსპრეზიდენტის ოჯახი მთელი ქვეყნის მასშტაბით უწყვეტი აქციები დააანონსა.

ამავე თემაზე: