"კარგი, მაშინ მოიქეცით ასევე ევროპულად პოლიტიკის შემუშავებისას. ეს მესიჯი ეხება ყველა დაინტერესებულ პირს" — ასე გამოეხმაურა ევროპარლამენტარი მაიკლ გალერი Facebook-ზე ევროპასთან ინტეგრაციის კომიტეტის თავმჯდომარის, მაკა ბოჭორიშვილის პოსტს საქართველოს ევროკავშირის წევრობასთან დაკავშირებით.

საქართველო ევროკავშირის წევრობის კანდიდატის სტატუსის მისაღებად განაცხადს დღეს წარადგენს. ამის შესახებ მმართველი გუნდის თავმჯდომარემ, ირაკლი კობახიძემ საგანგებო ბრიფინგზე თქვა და აღნიშნა, რომ განაცხადი უკვე მზადდება. კობახიძემ მოუწოდა ევროკავშირის სტრუქტურებს საგანგებო რეჟიმში განიხილონ განაცხადი და მიიღონ გადაწყვეტილება საქართველოსთვის ევროკავშირის წევრობის კანდიდატის სტატუსის მინიჭების შესახებ.