ქართული ოცნების დეპუტატმა, რიმა ბერაძემ სახალხო დამცველს ჰკითხა რისი გაკეთება შეუძლია და რა გააკეთე აქამდე ოკუპირებული ცხინვალის დე ფაქტო რეჟიმის მიერ უკანონოდ დაკავებული საქართველოს მოქალაქის, ზაზა გახელაძის გასათავისუფლებლად.

"თქვენ როგორ ფიქრობთ, რა არის ის ღონისძიება, რომელიც შესაძლებელია უშუალოდ თქვენ განახორციელოთ და რას აკეთებდით ამ პერიოდის განმავლობაში, რათა დასრულდეს ეს უკანონო პატიმრობა და ზაზა გახელაძე დაუბრუნდეს მის ოჯახს?" — ჰკითხა ბერაძემ ნინო ლომჯარიას.

ბერაძემ ცხინვალის ციხეში მყოფ გახელაძე დაბადების დღე პარლამენტის დარბაზიდან მიულოცა. მისი თქმით, გახელაძეზე საუბრისას ისმის კრიტიკა "ქმედების გააქტიურებასთან დაკავშირებით". ბერაძე მიელსამება საქართველოს კათოლიკოს პატრიარქის, ილია II-ს მიერ რუსეთის პატრიარქისადმი მიწერილი წერილიც, თუმცა არაფერს ამბობს ხელისუფლების ქმედების გააქტიურებასთან დაკავშირებულ კითხვებზე.

"დღეს ბევრს ვსაუბრობთ ჩვენ, ყველა ჩვენგანი, ამ თემაზე და ისმის, შესაბამისად, კრიტიკაც. თუმცა ვითარების დრამატულობა თითოეული ჩვენგანისათვის კარგად არის ცნობილი და კარგად გვესმის, მაგრამ, ხშირად ისმის, ასევე, მოსაზრებებიც ქმედების გააქტიურებასთან დაკავშირებით. ჩვენ გუშინაც ვიყავით მოწმე იმისა, რომ ამ საკითხში ჩაერთო სრულიად საქართველოს პატრიარქი, რასაც მივესალმებით", — განაცხადა ბერაძემ.

ზაზა გახელაძის მხარდასაჭერად სოფელ ქვემოჭალაში დღეს აქცია გაიმართა. აქციას სამოქალაქო ჯგუფები თბილისიდანაც შეუერთდნენ. ოჯახის წევრებმა კიდევ ერთხელ მოითხოვეს, ხელისუფლებამ ყველა ღონე იხმაროს ზაზას გასათავისუფლებლად, რადგან ის თითქმის 1 წელია, უკანონო პატიმრობაშია.

გაიგე მეტი: