2026 წლის საბავშვო ევროვიზიამდე თვეზე ნაკლები დრო გვაშორებს. 24 ოქტომბერს მალტა უმასპინძლებს რიგით 24-ე ევროვიზია ჯუნიორს, რომელშიც 16 ქვეყანა მიიღებს მონაწილეობას. სანამ მონაწილეები სამზადისის დასკვნით ეტაპზე არიან, კონკურსის ორგანიზატორებმა ფინალში ქვეყნების გამოსვლის რიგითობა განსაზღვრეს.

საქართველო მაყურებლის წინაშე ერთ-ერთი ბოლო წარდგება: დავით ლომიძე მე-15 ნომრად იმღერებს. რაც შეეხება დანარჩენ ქვეყნებს, თანმიმდევრობა ასეთი გახლავთ:

  1. ნიდერლანდები
  2. კვიპროსი
  3. პორტუგალია
  4. მონტენეგრო
  5. სან-მარინო
  6. საფრანგეთი
  7. პოლონეთი
  8. სომხეთი
  9. მალტა
  10. იტალია
  11. უკრაინა
  12. ჩრდილოეთ მაკედონია
  13. ირლანდია
  14. ალბანეთი
  15. საქართველო
  16. ესპანეთი

10 წლის დავით ლომიძე წლევანდელ საბავშვო ევროფესტივალზე გიგა კუხიანიძის საკონკურსო სიმღერით მზე სახურავებზე ("Sun On the Rooftops") წარდგება.

ოთხი გამარჯვებით, საქართველო საბავშვო ევროვიზიის თანარეკორდსმენია საფრანგეთთან ერთად. ჩვენს ქვეყანას პირველი გამარჯვება 2008 წელს ჯერ ჯგუფმა ბზიკებმა მოუტანა, 2011 წელს პირველადგილოსანი გახდა ჯგუფი ქენდი, 2016 წელს მალტაზე გამართული კონკურსი მარიამ მამადაშვილმა მოიგო, 2024 წელს კი შოუს ტრიუმფატორად ანდრია ფუტკარაძე იქცა. ამას გარდა, საქართველომ ევროვიზია ჯუნიორზე ორჯერ დაიკავა მეორე ადგილი და ექვსჯერ მოხვდა საუკეთესო ხუთეულში.

ასევე იხილეთ:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...