აშშ-ის ოჰაიოს შტატში პოლიციელის მხრიდან გასროლის შედეგად 16 წლის შავკანიანი გოგო გარდაიცვალა. BBC-ის ცნობით, სამართალდამცავი გასროლისას დაჭრის მცდელობაზე შემოსულ ზარზე რეაგირებდა.

მედიის ინფორმაციით, პოლიციამ სამხრე კამერის ჩანაწერები გამოაქვეყნა, სადაც ჩანს, რომ გოგო გასროლამდე სხვებს თავს დანით ესხმოდა.

საქმეზე გამოძიება მიმდინარეობს. პრესკონფერენციაზე კოლუმბიის პოლიციის მოვალეობის დროებითმა შემსრულებელმა, მაიკ ვუდსმა თქვა, რომ გამოძიებას ოჰაიოს სისხლის სამართლის გამოძიების ბიურო აწარმოებს. ოფიციალური პირები ადგილობრივ მოსახლეობას სიმშვიდის შენარჩუნებისკენ მოუწოდებენ.

ამერიკული მედია იუწყება, რომ მომხდარის გამო პოლიციის ოფიცერი, რომლის ვინაობას ჯერ არ ასახელებენ, ანაზღაურებად ადმინისტრაციულ შვებულებაში გაუშვეს.

ოფიციალური პირების განცხადებით, ოფიცერმა ცეცხლი ერთ-ერთი გოგოს სიცოცხლის გადასარჩენად გახსნა, თუმცა ადგილობრივ მედიაში დაღუპულის დეიდამ თქვა, რომ მისი დისშვილი თავდასხმის შემდეგ იცავდა თავს.

კოლუმბის მერმა, ენდრიუ გინტერმა მომხდარი შეაფასა როგორც "საშინელი და "ტრაგიკული დღე ქალაქში".

"გამოქვეყნებული კადრების საფუძველზე, ჩვენ ვიცით, რომ ოფიცერმა ჩვენი საზოგადოების კიდევ ერთი ახალგაზრდა გოგოს დასაცავად იმოქმედა, მაგრამ დღეს სხვა ოჯახი ისევ გლოვობს", — თქვა მერმა.

გარდაცვლილს მაჰია ბრაიანტი ერქვა. ბრაიანტის გარდაცვალებიდან მალევე, აქტივისტები იმ სახლთან შეიკრიბნენ, რომლის წინაც მას ესროლეს.

BBC-ის ცნობით, გოგოს ჯორჯ ფლოიდის მკვლელობაში ბრალდებულის, ყოფილი პოლიციელის, დერეკ შოვინის დამნაშავედ ცნობიდან რამდენიმე წუთში ესროლეს.