2027 წელს საჯარო სკოლის მოსწავლეთა სასკოლო ფორმებით უზრუნველყოფისთვის ბიუჯეტიდან 15,5 მლნ ლარი იქნება გათვალისწინებული. ამის შესახებ 2027 წლის სახელმწიფო ბიუჯეტის პროექტშია აღნიშნული.

ცნობისთვის, განათლების, მეცნიერებისა და ახალგაზრდობის სამინისტროს დაფინანსება ჯამურად მომავალი წლისთვის 225,8 მლნ ლარით იზრდება და 2,9 მლრდ ლარით განსაზღვრება.ამასთან აღსანიშნავია, რომ საგანმანათლებლო ინფრასტრუქტურის და მოსწავლეთა ტრანსპორტირების თანხები გათვალისწინებულია რეგიონული განვითარებისა და ინფრასტრუქტურის სამინისტროს ასიგნებებში, რომელთა გათვალისწინებითაც ჯამურად, განათლების, მეცნიერებისა და ახალგაზრდობის პროგრამებისათვის განკუთვნილი თანხები 2027 წელს 3,5 მლრდ ლარს შეადგენს.

ბიუჯეტის პროექტის თანახმად, ყველაზე მეტი თანხა ზოგად და სკოლამდელი განათლების სექტორისკენ მიიმართება. კერძოდ, 2 მლნ ლარი, რომლითაც გათვალისწინებულია საჯარო სკოლების მასწავლებლებისა და ადმინისტრაციული პერსონალის ხელფასების ზრდა.

უმაღლეს განათლებისთვის 247,7 მლნ ლარია გათვალისწინებული, საიდანაც 100 მლნ ლარი "უფასო სწავლების" დასაფინანსებლად მიიმართება.