2027 წლის ბიუჯეტის პროექტის მიხედვით, გასტრონომიის ეროვნული სააგენტოს ბიუჯეტი 5 740 000 ლარი იქნება.

სააგენტოს 65 თანამშრომელი ეყოლება, რომელთა ხელფასებისთვის 3 000 000 ლარია გათვალისწინებული. გასტრონომიის სააგენტოს მთლიანი ბიუჯეტიდან 5 020 000 ლარი ხარჯვით ნაწილს წარმოადგენს.

მიმდინარე წლის 22 ივლისიდან გასტრონომიის ეროვნული სააგენტოს ხელმძღვანელის თანამდებობის შესრულებას სოფლის მეურნეობის მინისტრის მოადგილე ლაშა ავალიანი შეუდგა. სააგენტომ მუშაობა 20 ივლისიდან დაიწყო.

გარემოს დაცვის სამინისტროს ცნობით, "სააგენტო შეიქმნა ქვეყნის გასტრონომიული მემკვიდრეობის დაცვის, განვითარების, პოპულარიზაციისა და საერთაშორისო ცნობადობის გაძლიერების, ასევე, გასტრონომიის სფეროში ერთიანი სახელმწიფო პოლიტიკის (სტრატეგიის) ფორმირებისა და განხორციელების მიზნით.