დაავადებათა კონტროლის ცენტრის ხელმძღვანელი, ამირან გამყრელიძე საპატრიარქოს მოუწოდებს, რომ აღდგომის წინა დღეებში ტაძრებში კორონავირუსთან დაკავშირებული რეკომენდაციები მაქსიმალურად დაცული იყოს.

გამყრელიძე ამბობს, რომ ტაძრის შიგნითაც და ეზოშიც აუცილებელია პირბადის ტარება. გარდა ამისა, იგი აღნიშნავს, რომ აღდგომის დღეს თბილი ამინდის პირობებში, სჯობს მრევლი ტაძრის გარეთ იყოს.

"დარწმუნებული ვარ, რომ საპატრიარქო ყველაფერს გააკეთებს იმისთვის, რომ არ იყოს მომატებული რისკი და წესები დაცული იყოს", — განაცხადა გამყრელიძემ.