მთავრობა ხანდაზმულებს ისევ მოუწოდებს, დარჩნენ სახლში. მგავსი რეკომენდაცია აქტუალური იყო კორონავირუსის პანდემიის პირველი ტალღის დროსაც.

"ეპიდვითარების გაუარესების გათვალისწინებით, ხანდაზმულ პირებს მოვუწოდებთ, მივმართავ რეკომენდაციით, მაქსიმალურად დარჩნენ სახლში", — განაცხადა საკოორდინაციო საბჭოს დასრულების შემდეგ გიორგი ღვიბრაძემ.

გარდა ამისა, მთავრობა საჯარო და კერძო სექტორს კიდევ ერთხელ მოუწდოებს, რომ გადავიდნენ დისტანციური მუშაობის რეჟიმზე. როგორც ღვიბრაძემ აღნიშნა, ძალაში რჩება ე.წ. კომენდანტის საათი და შაბათ-კვირას კვების ობიექტებისთვის დაწესებული შეზღუდვა. მისივე თქმით, გამკაცრდება იზოლაციაში მყოფი პირების, მათი კონტაქტებისა და ქვეყანაში შემომსვლელების თვითიზოლაციის კონტროლი. ასევე, პირბადის ტარების წესის დაცვა.