დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანადცვის მინისტრის, ეკატერინე ტიკარაძის განცხადებით, ხვალ, 21 აპრილს პრემიერმინისტრის, ირაკლი ღარიბაშილის მეთაურობით საბჭო იქნება, სადაც განიხილავენ დამატებით რეგულაციებსა და ღონისძიებებს, რომლებიც "ეფექტური" იქნება. ამის შესახებ მან ჟურნალისტებთან ისაუბრა და საქართველოში არსებული ეპიდსიტუაცია შეაფასა.

"ეპიდსიტუაცია, გეთანხმებით, საკმაოდ რთულდება. ამისათვის ბოლო ერთი კვირის განმავლობაში ჯანდაცვის სამინისტროს შრომითი ინსპექციის მხრიდან არის გამკაცრებული ღონისძიებები და ინტენსიური მონიტორინგი, ასევე, გამკაცრდა დაჯარიმებები. მნიშვნელოვანია, რომ ჩვენი მხრიდან მსგავსი მიდგომა შენარჩუნდეს. ასევე, ძალიან მნიშვნელოვანია საზოგადოების აქტიური ჩართულობა, პირბადის გამოყენება, სოციალური დისტანციის დაცვა, რომ მოხდეს დროული შეკავება ინფექციის გავრცელების.

დღეს ჩვენ გვქონდა 1 790 ინფიცირების შემთხვევა და უკვე აქტიური შემთხვევების რაოდენობა 10 ათასს აღემატება, რაც რა თქმა უნდა, ასევე, ზრდის ზეწოლას ჯანდაცვის სექტორზე. მნიშვნელოვანი არის, რომ ვიმსჯელოთ ამასთან დაკავშირებით და ხვალ პრემიერმინისტრის მეთაურობით მოწვეულია კოვიდ-საბჭო, სადაც ჩვენ განვიხილავთ იმ დამატებით რეგულაციებსა და ღონისძიებებს, რომელიც იქნება ეფექტური და რომლის გამოყენებაც განხორციელდება", — თქვა მან.

დღეს, 20 აპრილს საქართველოში კორონავირუსის 1 792 ახალი შემთხვევა დადასტურდა, გამოჯანმრთელდა 663, ხოლო გარდაიცვალა — 10 ადამიანი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: