ამერიკულ-ქართული განათლების ცენტრის ორგანიზებით და გერმანულ Jacobs University-თან, Toulouse Business School-ის ბარსელონის კამპუსსა და ფრანგულ Université Catholique de l'Ouest (UCO)-თან თანამშრომლობით 2021 წლის 24 აპრილს, 12:00-დან 17:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 29 უნივერსიტეტს 16 ქვეყნიდან.

ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტის წარმომადგენლებს და დაუსვან მათთვის საინტერესო კითხვები.

მონაწილეები ასევე, მიიღებენ შანსს მოიგონ College Counseling-ის სრული მომსახურება უფასოდ, 50%-იანი და 20%-იანი ფასდაკლებით.

განათლების ვირტუალური გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე: leafonlinefair.com

კირენიას უნივერსიტეტი 2013 წელს დაარსდა. ის მდებარეობს ქალაქ კირენიაში, რომელიც ერთ-ერთი ულამაზესი ქალაქია ჩრდილოეთ კვიპროსში. უნივერსიტეტი შედგება 14 ძირითადი ფაკულტეტისგან, სტუდენტებს, ასევე, აქვთ საშუალება ისწავლონ სხვა პროგრამები მის პარტნიორ ახლო აღმოსავლეთის უნივერსიტეტში (გამოფენაზე აღნიშნულ უნივერსიტეტსაც შეხვდებით).

კირენიას უნივერსიტეტის ფაკულტეტებია:

• Marine Sciences — საზღვაო მეცნიერებები;
• Maritime Studies — საზღვაო სწავლება;
• Maritime Management — ზღვაოსნობის მენეჯმენტი;
• Dentistry — სტომატოლოგია;
• Education — განათლება;
• Pharmacy — ფარმაცია;
• Arts and Sciences — ხელოვნება და მეცნიერებები;
• Health Sciences — ჯანდაცვა;
• Architecture — არქიტექტურა;
• Law — სამართალი;
• Aviation — ავიაცია;
• Economics and Administrative Sciences — ეკონომიკა და ადმინისტრირება;
• Engineering — ინჟინერია და სხვა.

უნივერსიტეტი ცნობილია მისი საზღვაო აკადემიით. სამაგისტრო და სადოქტორო საფეხურის სკოლებია:

• გამოყენებითი მეცნიერებების სკოლა;
• ჯანდაცვის სკოლა;
• სოციალური მეცნიერებების სკოლა.

საბაკალავრო საფეხურზე სწავლის საფასური შეადგენს 5 600 ევროს წელიწადში. საერთაშორისო სტუდენტები იღებენ 50%-იან დაფინანსებას, რაც სწავლის საფასურს ამცირებს 2 800 ევრომდე წელიწადში. გამონაკლისია მედიცინის, სტომატოლოგიის, ფარმაციის, პროფესიული პილოტების ტრენინგისა და აეროინჟინერიის პროგრამები, რომელთა ფასებიც 7 000 ევროდან 12 600 ევრომდე მერყეობს. სამაგისტრო საფეხურზე სემესტრის საფასური იწყება 1 300 ევროდან და დამოკიდებულია სტუდენტის მიერ არჩეულ პროგრამაზე. ხოლო სადოქტორო საფეხურზე, ძირითადად, ერთი კურსის ღირებულებაა 450 ევრო.

უნივერსიტეტი სტუდენტებს სთავაზობს სხვადასხვა რაოდენობის დაფინანსებას, რომელიც დამოკიდებულია არჩეულ პროგრამასა და სასწავლო საფეხურზე.

თქვენ გაქვთ შესაძლებლობა პირადად შეხვდეთ კირენიას უნივერსიტეტის წარმომადგენელს განათლების საერთაშორისო ვირტუალურ გამოფენაზე 24 აპრილს, 12 საათიდან 17 საათამდე. დაინტერესების შემთხვევაში ეწვიეთ ბმულს: leafonlinefair.com