საპატრულო პოლიციის დეპარტამენტის უფროსის, ვაჟა სირაძის განცხადებით, საქართველოს ბანკში მყოფი ყველა მძევალი თავისუფალია და მათ დაზიანებები არ აქვთ.

"მძევლები გათავისუფლებულია, დაზიანება არავის მიუღია. ყველა მძევალი უსაფრთხოდ გადაყვანილი იქნა პოლიციის შესაბამის დანაყოფში", — განაცხადა მან.

რაც შეეხება მძევლების რაოდენობას და თავდამსმელის მოთხოვნებს, სირაძე ამბობს, რომ დეტალები ზუსტდება და მოგვიანებით გავრცელდება ინფორმაცია.

მანვე აღნიშნა, რომ დაწყებულია გამოძიება, თუმცა მუხლი არ დაუზუსტებია.