აქტივისტი ვარლამ გოლეთიანი აცხადებს, რომ ხელისუფლება ნამახვანჰესის მშენებლობის მოწინააღმდეგეების მიმართ რეპრესიულ მეთოდებს იყენებს, თუმცა ეს აქტივისტების სასარგებლოდ მუშაობს.

"მე ვფიქრობ, რომ თუ ჩვენ ამ ყველაფერს [რეპრესიებს პოლიციის მხრიდან] გამოვავლენთ და ამაზე ვისაუბრებთ, ეს კიდევ უფრო გაზრდის ჩვენ მხარდაჭერას. რეპრესიული მეთოდები ჩვენი მისამართით მუშაობს და ამუშავებენ ამ მეთოდებს, ეს ისედაც ფაქტია. ისინი რეპრესიებს ახორციელებენ ჩვენი მისამართით, მაგრამ, მუშაობს რეპრესია ჩვენ სასარგებლოდ. იმიტომ, რომ რაოდენობრივად ვიზრდებით. არა მგონია ვინმე ჯარიმით დააშინონ, ან დუბინკის მოქნევით", — აცხადებს გოლეთიანი.

მან მაგალითად მოიყვანა აქტივისტების დაჯარიმება ე.წ. კომენდანტის საათის დარღვევის გამო ქუთაისში გამართულ საპროტესტო აქციაზე მაშინ, როცა წინასწარ იყო შეთანხმებული პოლიციასთან, რომ ეს არ მომხდარიყო,

"გუშინ მე თავად შევუთანხმდი საპატრულო პოლიციას აქ მდგომ ადამიანებზე, რომ არ მომხდარიყო მათი დაჯარიმება. ანუ, შეთანხმებულად, გარკვეულ არეალში შეეძლოთ დადგომა და დადგა ეს ხალხი იქ და მივიღეთ დღეს ის სურათი, რომ მოსდიოდათ ჯარიმები ადამიანებს.

ახლა ჩვენ ვუთხარით პრემიერის რწმუნებულსაც, გუბერნატორსაც, ბატონ ზაზასაც, ლომინაძეს [ქუთაისის მაჟორიტარი დეპუტატი], ყველას ვუთხარით იგივე და თქვეს, რომ გაითვალისწინებენ ამ ყველაფერს და შესაბამისი რეაგირება ექნებათ", — განაცხადა გოლეთიანმა მთავრობის წარმომადგენლებთან შეხვედრის შემდეგ.

შეხვედრის დასრულების შემდეგ, რომელიც თითქმის ოთხს საათს გაგრძელდა, გოლეთიანმა განაცხადა, რომ ხელისუფლებას წაუყენეს სამი პირობა, რომელთა შესრულება აუცილებელია, რათა გაიხსნას სივრცე შემდგომი დიალოგისთვის.

გაიგეთ მეტი: