დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის დირექტორის, ამირან გამყრელიძის განცხადებით, საქართველოში კორონავირუსით რეინფიცირების შემთხვევები თანდათან იზრდება.

"სამწუხაროდ, იზრდება როგორც მთელ მსოფლიოში, ისე საქართველოში რეინფიცირების მაჩვენებელი, ამიტომ გზავნილი არის — ის, რომ ვთქვათ, თუ გადავიტანდი ინფექციას და გარანტირებული ვიყავი, რომ ინფექცია მეორედ არ შემხვდებოდა, არ არის ასე, სამწუხაროდ, იმის გამო, რომ უკვე არის მუტაციები და ბევრი სხვადასხვა შტამი ცირკულირებს, წამყვანი არის ბრიტანული შტამი ჩვენთანაც და ევროპაშიც. ამის გამო რეინფიცირების შემთხვევები თანდათან იზრდება როგორც ყველგან, ისე ჩვენთანაც, საქართველოში", — განაცხადა გამყრელიძემ.

13 აპრილის მონაცემებით, საქართველოში კორონავირუსის 1 374 ახალი შემთხვევა დადასტურდა, გამოჯანმრთელდა 422, ხოლო გარდაიცვალა — 11 ადამიანი. 26 იანვრის შემდეგ ინფიცირების დღიურმა მაჩვენებემა პირველად გადააჭაბა 1 000-ს.

ბოლო 24 საათში ქვეყნის მასშტაბით ჩატარდა 37 524 კვლევა ტესტით, მათ შორის ანტიგენის სწრაფი ტესტით — 28 078 , PCR-ით — 9 446.

დადებითობის დღიური მაჩვენებელია 3,66%, ბოლო 7 დღის 2,58%, ბოლო 14 დღის კი 2,46%.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 290 129-ს, გამოჯანმრთელდა — 278 251 , ხოლო ვირუსს ჯამში ემსხვერპლა 3 894 ადამიანი.

დღეს ქვეყანაში გამოვლენილი ინფიცირების 1 374 ახალი შემთხვევიდან:

  • თბილისში გამოვლენილია 756 შემთხვევა;
  • აჭარა — 116;
  • იმერეთი — 97;
  • ქვემო ქართლი — 61;
  • შიდა ქართლი — 80;
  • გურია — 15;
  • სამეგრელო-ზემო სვანეთი — 161;
  • კახეთი — 40;
  • მცხეთა-მთიანეთი — 30;
  • სამცხე-ჯავახეთი — 10;
  • რაჭა-ლეჩხუმი და ქვემო სვანეთი — 8.

ამ ეტაპზე ინფიცირების მიმდინარე აქტიური შემთხვევა არის 7 958, საიდანაც, 2 445 ადამიანი მკურნალობს საავადმყოფოში, მათ შორის, მძიმე პაციენტია 400, ხოლო ხელოვნური სუნთქვის აპარატზე იმყოფება 81 პირი.

323 ადამიანი მოთავსებულია კლინიკურ-სასტუმროებში, ხოლო 5 190 პირი ვირუსის მკურნალობის კურსს გადის საცხოვრებელ ბინაზე. ამასთან, საკარანტინე სივრცეებში იმყოფება 205 ადამიანი, თვითიზოლაციაში — 12 834.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: