5 აპრილის დღის ბოლოდან 6 აპრილის დილამდე საქართველოში, ძირითადად ქვეყნის დასავლეთ ნაწილში, წვიმა, ელჭექი, ძლიერი ქარი და მაღალმთაში თოვლია მოსალოდნელი. აღნიშნულზე ინფორმაციას გარემოს ეროვნული სააგენტო ავრცელებს.

"მოსალოდნელმა ძლიერმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, დასავლეთ საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში თოვლის ზვავების ფორმირება და მეწყრული პროცესების ჩასახვა — გააქტიურება გამოიწვიოს", — აცხადებენ გარემოს ეროვნულ სააგენტოში.

მათივე თქმით, ზღვაზე 3-4 ბალიანი ღელვაა მოსალოდნელი.