არაბთა გაერთიანებული საემიროების გამომძიებლების განცხადებით, Flydubai-ს 1073-ე რეისის პილოტმა, რომელმაც ფრენის დროს კაპიტანი დაჭრა, "ტერორისტული თავდასხმა" სცადა. როგორც ემირატების სახელმწიფო საინფორმაციო სააგენტო WAM იტყობინება, თავდამსხმელმა კაბინაში არსებული ავარიული სიტუაციების დროს გამოსაყენებელი ნაჯახი გამოიყენა.

დასავლური და ყურის ქვეყნების ოფიციალური პირების ცნობით, ეჭვმიტანილი პილოტი ომანის მოქალაქე ჰამამ ალ-ჰამამია. გავრცელებული ინფორმაციით, მას ომანში ფრენა აკრძალული ჰქონდა იმის გამო, რომ სავარაუდოდ რადიკალური იდეოლოგიური შეხედულებები ჰქონდა.

ცნობისთვის, 30 სექტემბერს, დუბაი-თელ-ავივის Flydubai-ის FZ1073 რეისზე ერთ-ერთმა პილოტმა კაპიტანს ბასრი საგნით ჭრილობები მიაყენა, რის შემდეგაც თვითმფრინავმა სწრაფად დაკარგა სიმაღლე და რამდენიმე წუთის განმავლობაში მისი მართვა საფრთხის ქვეშ აღმოჩნდა. დაჭრილმა კაპიტანმა კაბინის კარი გახსნა, რის შემდეგაც რამდენიმე მგზავრი და ეკიპაჟის წევრი კაბინაში შევიდა და თავდამსხმელი გაანეიტრალა. ბორტზე მყოფმა ექიმმა, შოთა მუსაევმა, მძიმედ დაჭრილ კაპიტანს პირველადი სამედიცინო დახმარება გაუწია. თვითმფრინავმა საბოლოოდ საგანგებო დაშვება საუდის არაბეთში, ტაბუკის აეროპორტში განახორციელა და ბორტზე მყოფი 174 ადამიანი უსაფრთხოდ გადმოვიდა.

მეტი Flydubai-ს რეისზე მომხდარი ინცინდენტის შესახებ: