ხურვალეთში, საოკუპაციო ხაზს მიღმა მცხოვრები 88 წლის დათა პაპა გარდაიცვალა. ინფორმაცია ამის შესახებ On.ge-ს სახელმწიფო უსაფრთხოების სამსახურში დაუდასტურეს. მათი თქმით, ოჯახმა ამის შესახებ უკვე იცის. დათა ვანიშვილი მავთულხლართებს მიღმა, საკუთარ სახლში გარდაიცვალა.

გასული წლის დეკემბერში ცნობილი გახდა, რომ მისი ჯანმრთელობის მდგომარეობა მძიმე იყო და საქართველოს კონტროლირებად ტერიტორიაზე ექიმთან ვიზიტისთვის ვერ გადმოჰყავდათ.

On.ge-ს რედაქცია უსამძიმრებს ოჯახს.

დათა ვანიშვილი არ აღიარებდა დე ფაქტო რესპუბლიკას და აცხადებდა, რომ საქართველოს მოქალაქეა და არ აპირებს საკუთარი სახლი დათმოს. ის საოკუპაციო ხაზს მიღმა მცხოვრებ ადამიანებსა თუ ვიზიტორებს მავთულხლართებიდან ეკონტაქტებოდა, რის გამოც ოკუპანტებმა არაერთხელ დააკავეს.

ნახეთ On.ge-ს ვიდეო არქივიდან:

წაიკითხეთ: