ეკონომიკის მინისტრის, ნათია თურნავას განცხადებით, მათ კარგად იციან სარესტორნო ბიზნესის "გასაჭირი" და "გულთან ახლოს" მიაქვთ. მისი თქმით, საერთო ჩატიც კი აქვთ ბიზნესის წარმომადგენლებთან შექმნილი, სადაც ყოველდღიურ რეჟიმში კონტაქტობენ. ამის შესახებ მან დღეს საკოორდინაციო საბჭოს წევრების ბრიფინგზე ისაუბრა.

"სარესტორნო ბიზნესს რაც შეეხება, ვიცი, რომ ძალიან სენსიტიური საკითხია. არაერთი შეხვედრა გვქონდა ჩვენ სარესტორნო ბიზნესთან. პრაქტიკულად, ყოველდღიურ რეჟიმში, ონლაინ რეჟიმში ვართ მათთან კონტაქტში, იმიტომ, რომ ჩატიც გვაქვს საერთო შექმნილი და მათი გასაჭირი ძალიან კარგად ვიცით და გულთან ახლოს მიგვაქვს. მაგრამ ზოგადად, ვინაიდან მიჩნეულია, რომ რესტორნები და კაფეები არიან ერთ-ერთი გადადების საფრთხის დამაგენერირებელი ობიექტები, დროში ავაცილეთ ერთმანეთს სავაჭრო ქსელის და სარესტორნო სექტორის გახსნა", — განაცხადა თურნავამ.

მისივე თქმით, გამომდინარე იქედან, რომ აჭარაში შედარებით დადებითობის მაჩვენებელია, დაუშვეს, რომ ღია სივრცეებში კაფეები და რესტორნები, შაბათ-კვირის გამოკლებით, გაიხსნას.

გაიგეთ მეტი: