დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის განცხადებით, პოსტკოვიდურ სინდრომთან დაკავშირებით შეიკრიბება ჯგუფი, რომელიც იმსჯელებს ამ თემაზე და ამის შემდეგ მიიღებენ გადაწყვეტილებას იმაზე, თუ რა მიდგომა ექნება სახელმწიფოს.

"ჩვენ ჩვენი ექიმებისგან მივიღეთ რამდენიმე შეტყობინება იმის თაობაზე, რომ მათ მიმართეს პაციენტებმა. ამასთან დაკავშირებით ჩვენ გვქონდა კომუნიკაცია როგორც კლინიკური ჯგუფის ხელმძღვანელთან, ასევე სხვა კლინიკის წარმომადგენლებთან, სადაც მსგავსი მიმართვიანობა დაფიქსირდა. ჯგუფი შეიკრიბება, იმსჯელებს ამასთან დაკავშირებით, ჩამოყალიბდებიან შესაბამის ქმედებებზე და უკვე ამის შემდეგ მივიღებთ გადაწყვეტილებას, თუ რა იქნება სახელმწიფოს მიდგომა ამასთან დაკავშირებით. ამ ეტაპისთვის ეს არ არის რთული გამოწვევა, ვინაიდან პაციენტები მიმართვიანობის მიხედვით იღებენ იმ შესაბამის დაფინანსებას სახელმწიფოსგან და ასევე, იმ შესაბამის მკურნალობას, რომელიც მათ ესაჭიროებათ", — განაცხადა ტიკარაძემ.

21 იანვრის მონაცემებით, საქართველოში კორონავირუსის 1 137ახალი შემთხვევა დადასტურდა, გამოჯანმრთელდა 1 179 ადამიანი, ხოლო გარდაიცვალა — 11.

ბოლო 24 საათში ქვეყნის მასშტაბით 17 019 ტესტი ჩატარდა, მათ შორის ანტიგენის სწრაფი ტესტით — 9 840, PCR ტესტით — 7 179.

დღეს ქვეყანაში გამოვლენილი ინფიცირების 1 137 ახალი შემთხვევიდან:

  • თბილისში გამოვლენილია 477 შემთხვევა;
  • აჭარა — 64;
  • იმერეთი — 164;
  • ქვემო ქართლი — 65;
  • შიდა ქართლი — 85;
  • გურია — 13;
  • სამეგრელო-ზემო სვანეთი — 118;
  • კახეთი — 95;
  • მცხეთა-მთიანეთი — 27;
  • სამცხე-ჯავახეთი — 18;
  • რაჭა-ლეჩხუმი და ქვემო სვანეთი — 11.

უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილის, ბერდია სიჭინავას განცხადებით, ამ ეტაპზე ინფიცირების მიმდინარე აქტიური შემთხვევა არის 9 946, საიდანაც: 3 478 ადამიანი მკურნალობს საავადმყოფოში, მათ შორის, თბილისის საავადმყოფოებში — 1 685, აჭარაში — 249, იმერეთში — 711.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 251 071-ს, გამოჯანმრთელდა — 238 101, ხოლო ვირუსს ჯამში ემსხვერპლა 2 998 პირი.

კარანტინის რეჟიმში 478 ადამიანი იმყოფება, სტაციონარში მეთვალყურეობის ქვეშ — 3 478, კლინიკურ სასტუმროში მყოფი პირების რაოდენობა 536-ს შეადგენს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: