დაავადებათა კონტროლის ცენტრის დირექტორის, ამირან გამყრელიძის თქმით, Health Metrics-ის მონაცემებით, პირბადის ტარების მაჩვენებელი საქართველოში 75%-მდე გაიზარდა, მიზანია 95%. ამის შესახებ მან საკოორდინაციო საბჭოს დასრულების შემდეგ გამართულ ბრიფინგზე ისაუბრა.

"ძალიან მნიშვნელოვანია, რომ Health Metric (ჯანმრთელობის გაზომვათა ინსტიტუტი) განახლებებს აკეთებს ევროპასა და საქართველოში. მათ 15 იანვრის განახლებაში აღნიშნეს, რომ 75%-ზეა ასეული ჩვენთან ნიღბის ტარების მაჩვენებელი. თუ ჩვენ 95%-ზე ავალთ, გვეუბნებიან, რომ მაისისთვის ერთეული სიკვდილიანობა გვექნება და ერთეული შემთხვევევები — 10-დან 77-ის ფარფლებში", — განაცხადა გამყრელიძემ.

ქვეყანაში პირბადის ტარების მაჩვენებელი დეკემბრისთვის 65%-მდე იყო.

რომელი ნიღაბი როგორ უნდა გამოვიყენოთ, რათა მაქსიმალურად დავიცვათ თავი — NCDC-ის რეკომენდაციები

18 იანვრის მონაცემებით, საქართველოში კორონავირუსის 110 ახალი შემთხვევა დადასტურდა, ამასთან, გამოჯანმრთელდა 1 643 ადამიანი, ხოლო გარდაიცვალა — 25.

ინტენსიური ტესტირების ფარგლებში, ბოლო 24 საათში ქვეყნის მასშტაბით 4 964 ტესტი ჩატარდა, მათ შორის, 2 930 კვლევა ანტიგენის ტესტით და 2 034 PCR ტესტით.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 247 915-ს, ხოლო ჯამში გამოჯანმრთელებულთა რაოდენობა გაიზარდა 234 636-მდე. ამასთან, პანდემიის გავრცელებიდან დღემდე ვირუსს ჯამში 2 958 პირი ემსხვერპლა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: