ილიას სახელმწიფო უნივერსიტეტის ტექნოლოგიის სკოლა საგანმანათლებლო პროექტის "ინჟინერიის სკოლა მოსწავლე გოგოებისთვის" მეორე ნაკადზე მიღებას აცხადებს. პროექტს ილიაუნი, აშშ-ს საელჩოს ხელმძღვანელობით გამოცხადებული საგრანტო კონკურსის "დემოკრატიის განვითარება - კურსდამთავრებულთა საგრანტო პროგრამა 2020" ფარგლებში ახორციელებს.

ინჟინერიის სკოლის მიზანია უფროსკლასელი გოგოები (საჯარო სკოლის მე-10 - მე-12 კლასელები) დააინტერესოს ტექნიკური და საინჟინრო დარგებით, დაეხმაროს მათ აირჩიონ საინჟინრო კარიერა ამ დარგში წარმატებულ ქალთა მენტორობით, რაც ითვალისწინებს კოდირების, ინჟინერიის სწავლებასა და სახალისო კონკურსებში მონაწილეების ჩართულობას.

ინჟინერიის სკოლის მოსწავლე გოგოები 12 კვირის განმავლობაში დისტანციურ ფორმატში შეისწავლიან:

ბლოკური პროგრამირება;
მიკროელექტრონიკის კომპონენტები;
DJI Tello Edu დრონის პროგრამირება;
OTTO bot-ის პროგრამირება.

პროექტის დასასრულს მონაწილეებს საჩუქრად გადაეცემათ OTTO bot-ები.

სააპლიკაციო ფორმა იხილეთ აქ.

აპლიკაციის შევსების ბოლო ვადა: 2021 წლის 18 იანვარი

გაიგეთ მეტი.

პროექტის შესახებ

პროგრამა ინდივიდუალური ფედერალური დახმარების ჯილდოა, რომელიც ილიას სახელმწიფო უნივერსიტეტის განვითარების სამსახურის უფროს ქეთევან დარახველიძეს, როგორც აშშ-ის მთავრობის მიერ დაფინანსებული გაცვლითი პროგრამების (ედმუნდ მასკის 2007-2009 სამაგისტრო პროგრამა, UGRAD 2003-2004) კურსდამთავრებულს, გადასცა აშშ-ის სახელმწიფო დეპარტამენტმა თბილისში აშშ-ის საელჩოს ხელმძღვანელობით გამოცხადებული საგრანტო პროგრამის (დემოკრატიის განვითარება – კურსდამთავრებულთა საგრანტო პროგრამა 2020) ფარგლებში.

პროექტის სამეცნიერო ხელმძღვანელია პროფესორი ნანა დიხამინჯია, ილიას სახელმწიფო უნივერსიტეტის რექტორის მოადგილე ინოვაციების განვითარებისა და მეცნიერების პოპულარიზაციის მიმართულებით.