საქართველოს პრემიერმინისტრის, გიორგი გახარიას განცხადებით, შინაგან საქმეთა სამინისტრო გააგრძელებს ვერტმფრენებით ფრენებს თუშეთის მიმართულებით, რაც მოქალაქეებისთვის არის გადაადგილების შესაძლებლობა. ამის შესახებ პრემიერმინისტრმა მთავრობის ადმინისტრაციაში გამართულ სხდომაზე ისაუბრა.

"შსს-ს დღეს ჩვენ უნდა მივცეთ ნება გააგრძელოს თუშეთის მიმართულებით ვერტმფრენებით ფრენა. მოგეხსენებათ, რომ ამას აქვს ძალზედ მნიშვნელოვანი სოციალური დატვირთვა, განსაკუთრებით ზამთრის პირობებში ჩვენი მოქალაქეები, რომლებიც მაღალმთიან სოფლებში ცხოვრობენ, განსაკუთრებით, თუშეთში, მათთვის უნდა იყოს უზრუნველყოფილი შესაბამისი გადაადგილების შესაძლებლობა", — განაცხადა გახარიამ.

მისი თქმით, ამას შინაგან საქმეთა სამინისტრო უკვე რამდენიმე წელია მთავრობის დახმარებით უზრუნველყოფს და ეს პროგრამა ისევ გაგრძელდება.