სვანეთში, კალა-უშგულის გზა ქვის ცვენის გამო ჩაკეტილია.

როგორც On.ge-ს ადგილზე მყოფებმა აცნობეს, კლდეა ჩამოშლილი და მათი იქ ყოფნის განმავლობაში, დაახლოებით, 5 წუთის ინტერვალში კიდევ ორჯერ ჩამოინგრა.

საავტომობილო გზების დეპარტამენტში აცხადებენ, რომ ამ ეტაპზე აღნიშნულ მონაკვეთზე გადაადგილება აკრძალულია.

"ქვის ცვენისა და ზვავსაშიშროების გამო გაწმენდითი სამუშაოები ამ ეტაპზე არ მიმდინარეობს. წმენდა დაიწყება ხვალ დილით", — ნათქვამია განცხადებაში.

დეპარტამენტის ცნობით, მოძრაობა, სავარაუდოდ, ხვალ, დღის 12 საათზე აღდგება.