უხვმა ნალექმა იმერეთის სამ მუნიციპალიტეტში პრობლემები შექმნა. წყალტუბოს, ხარაგაულისა და სამტრედიის მუნიციპალიტეტებში უხვმა ნალექმა დატბორა საუბნო გზები და საკარმიდამო ნაკვეთები. სამტრედიაში, სოფელ ბაშში დაიტბორა ათამდე საცხოვრებელი სახლი. ხარაგაულში ადიდდა მდინარე ძირულა და მიმდებარე ინფრასტრუქტურა დააზიანა. წყალტუბოში, ძირითადად, საკარმიდამო ნაკვეთებია დატბორილი.

იმერეთის გუბერნატორის, ზვიად შალამბერიძის განცხადებით, ზოგიერთ ტერიტორიაზე ჩაიხერგა გზა, დაიტბორა სავარგულები, თუმცა, მისივე თქმით, ამ დროისათვის ეს პრობლემები აღმოფხვრილია.

"მთელი ღამის განმავლობაში შესაბამისი სამსახურები მუშაობდნენ, გზის გაწმენდითი სამუშაოები მიმდინარეობდა და მიმდინარეობს ახლაც. ამ წუთში შეგვიძლია ვთქვათ, რომ გზა არსად არის ჩახერგილი და დღის განმავლობაშიც ყველა სამსახური იქნება მობილიზებული", — განაცხადა შალამბერიძემ.

უამინდობამ პრობლემები დასავლეთ საქართველოში პრობლემები სხვა მუნიციპალიტეტებსაც შეუქმნა.