შინაგან საქმეთა მინისტრის, ვახტანგ გომელაურის თქმით, კრიმინალი არ გახშირებულა, რადგან ბანკებში ყაჩაღობის შემთხვევები ყოველ წელს ხდებოდა.

"ერთი შემთხვევა იყო და დავაკავეთ ადამიანი. ბანკებში ყაჩაღობის შემთხვევა ყოველწელს ხდება და ყოველთვის ხდება, ეს ხელყუმბარით შევარდნა რაც მოხდა, დავაკავეთ", — განაცხადა გომელარმა.

საქართველოში ბოლო ორ თვეში ბანკების დაყაჩაღების რამდენიმე შემთხვევა მოხდა. მათ შორის, 20 ნოემბერს ერთი პირი წერეთლის გამზირზე მიკროსაფინანსო ორგანიზაცია MBC-ში შეიჭრა და მძევლები აიყვანა. რამდენიმესაათიანი სპეცოპერაციის შემდეგ ყველა მძევალი გათავისუფლდა, ხოლო თავდამსხმელი დააკავეს. ერთ-ერთი ასეთი შემთხვევა იყო, ასევე, 21 ოქტომბერს, როცა საქართველოს ბანკის ზუგდიდის ფილიალში შეიარაღებული პირი შეიჭრა, რომელმაც მძევლები აიყვანა. თავდამსხმელი ამ დრომდე არ არის დაკავებული.