დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კორონავირუსის გამოვლენის მაღალი მაჩვენებელი გაფართოებულ ტესტირებას უკავშირდება. ამიტომ, გამყრელიძის თქმით, უახლოეს დღეებში ინფიცირების მეტი შემთხვევა გამოვლინდება.

"თუ ყოველდღიურად ანტიგენტის ტესტით სადღაც 700-დან 800-მდე დადებითს ვავლენდით, დღევანდელი დილის მონაცემით არის 1442 მარტო ანტიგენით და 3 600 მარტო PCR-ით გამოვლენილი. კიდევ მეტი გვექნება მომავალ დღეებში რომ გაფართოვდება. გაფართოებული ტესტირებით, ასევე, უფრო ადრეულ ეტაპზე ვლინდებიან შედარებით უფრო მსუბუქი და უსიმპტომო ადამიანები, რომელთა სწრაფი იზოლირება უკეთეს შედეგს მოგვცემს", — განაცხადა გამყრელიძემ.

4 დეკემბრის მონაცემებით, ბოლო 24 საათის განმავლობაში კორონავირუსის 5 068 ახალი შემთხვევა დადასტურდა. გამოჯანმრთელდა — 2 336, ხოლო გარდაიცვალა 38 ადამიანი.

ქვეყანაში პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 152 704-ს, ხოლო ჯამში გამოჯანმრთელებულთა რაოდენობა გაიზარდა 126 904-მდე. 2020 წლის 26 თებერვლიდან დღემდე სულ გვაქვს 1 425 გარდაცვალების შემთხვევა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: